Алматыда 26 оқушы коронавируспен ауырған

0
160

Алматы қаласының білім басқармасы қанша мектеп оқушысының коронавирусты жұқтырғанын айтты.

«Бірінші тоқсанда коронавирустық инфекциямен ауыратын балалардың саны 26 болды, оның екеуі әдеттегідей оқытылды. Қаладағы эпидемиологиялық жағдайды ескере отырып, ата-аналар мен заңды өкілдер балаларды кезекші сыныптарға оқуға жіберу кезінде балалардың қоғамдық ортада оқитынын түсінуі керек. Ата-аналар тарапынан коронавирустық инфекцияны жұқтыру қаупін болдырмау үшін барлық қажетті шараларды қабылдау қажет», – деді брифинг барысында Алматы қалалық білім басқармасы басшысының орынбасары Қайрат Жұманов.

Бұған дейін хабарлағанымыздай, Алматы қаласының бас мемлекеттік санитарлық дәрігері өзінің қаулысымен екінші тоқсаннан бастап кезекші 1 – 5 сыныптарға жұмыс істеуге рұқсат берді.

Бірінші тоқсанда 1-4 сыныптарда кезекші топтар ашылды. Қаладағы 140 мемлекеттік мектептерде 985 кезекші сыныптар ашылды, оларда 12 928 бала оқыды. 56 жекеменшік мектептерде 585 кезекші сыныптар ашылып, оларда 7056 оқушы оқыды.