Нұр-Сұлтанда коронавирус жұқтырған науқас ауруханаға жеткізілген соң екі күннен кейін көз жұмған — Қазақстан жаңалықтары

Нұр-Сұлтан қаласында көз жұмған науқас туралы деректер айтылды, деп хабарлайды Stan.kz ақпарат агенттігі. 

Науқас — 1950 жылғы Нұр-Сұлтан қаласының тұрғыны.

11 сәуірде желел жәрдем бригадасымен провизорлық стационарға ауыр халде жеткізілген. Осыған байланысты шұғыл ранимация бөліміне жатқызылды.

Науқас келіп түскен сәттен бастап бар аурулардың салдарынан үдемелі нашарлауы байқалды. Қосымша диагноздары: аорто-коронарлық шунттау, ЖИА, артериялық гипертензия, қант диабеті.

Жүргізілген қарқынды терапияға қарамастан, полиоргандық, яғни тыныс алу, жүрек және бүйрек жетіспеушілігінің белгілері өскен.

Қарқынды терапияға қарамастан, 2020 жылдың 13 сәуірінде сағат 22:20-де жүрек қызметі тоқтады. Реанимациялық іс-шаралар толық көлемде жүргізілді, 23:40 минутта биологиялық өлім анықталды.