Қазақстандық мектеп оқушылары көктемгі демалыста қанша күн демалады

0
53
Сурет: Mihail_fotodeti

Елімізде мектеп оқушыларының көктемгі демалысы 12 күнге созылады. Бұл туралы Білім және ғылым министрлігі хабарлады, деп жазады ҚазАқпарат. 

«Мектеп оқушыларының көктемгі демалысы 20-31 наурыз аралығында – 12 болады. 4-тоқсан сабағы 1 сәуірде басталады», – деп атап өтті министрліктің баспасөз қызметінен.

Сонымен қатар ведомство мәліметінше, 3-тоқсанда 1 сынып оқушылары үшін қосымша демалыс болған. Ол 8-14 ақпан аралығында 7 күнге созылған.

Еске сала кетсек, еліміздің бас санитарлық дәрігері Ерлан Қиясовтың жаңа қаулысына сәйкес оқу жылының 3-тоқсанынан бастап бітіруші сыныптар (9, 11, 12 сыныптар) санитарлық-эпидемиологиялық талаптарды сақтай отырып, аралас оқыту (пәндердің 70 пайызы – дәстүрлі форматта, 30 пайызы – қашықтан) форматына көшірілді.

Сондай-ақ 1 наурыздан бастап жалпы білім беретін мектептерде мектепалды сыныптардың, 1 сыныптан 5 сыныпқа дейін қоса алғанда, халықаралық мектептерде 1 сыныптан 7 сыныпқа дейін қоса алғанда, сыныптарда 25-ке дейін бала санымен оқушыларды аралас форматта оқытуға рұқсат берілді.