Белгілі актер, қазақ киносының аңызы марқұм Асанәлі Әшімовтің жары әлеуметтік желіде жүрекке жететін жазба жариялады, деп хабарлайды ozgeris.info.
Өнер иесінің жары марқұм жұбайын еске алып, сағынышын жеткізген видеомен бөлісті. Жазбада оның ішкі күйзелісі мен сағынышы анық сезіледі.
"Сағыныш. Жүрек сыздайды. Жарқын жүзін сағындым. Алла пейіш төрінен орын бер", – деп жазды Бағдат Әшімова.
Бұл жазба желі қолданушыларының бейжай қалдырмады. Көпшілік Бағдат ханымға көңіл айтып, сабыр тіледі.
"Сабыр берсін. Артында ұлы қалды, шүкір деу керек", "Алла сізге күш-қуат берсін", "Жүректі елжіреткен сағыныш… Қайғыңызға ортақпыз", "Тас түскен жеріне ауыр", – деп жазды оқырмандар.
