Алғашқы оқиға 13 қыркүйек күні түнгі 23:30 шамасында Қарағанды облысында болды. Ford Mondeo жүргізушісі қарсы жолаққа шығып, Changan көлігімен соқтығысып, бес адам көз жұмды.
Екі сағаттан кейін Жетісу облысында Nissan Cefiro жүргізушісі қарсы бағытқа шығып, Lada мен Chevrolet Cobalt көліктеріне соғылды. Нәтижесінде 10 адам, оның ішінде бала да бар, қаза тапты.
Мамандардың айтуынша, екі жол да жөндеуден өткен, бірақ тегіс трасса кей жүргізушілерді жылдамдықты асыруға итермелейді.
Полиция жүргізушілерді жол ережелерін қатаң сақтауға шақырды.
