20 шілде, 2023
Жетісу облысының Төтенше жағдайлар департаменті басшысы Бауыржан Ізбасаров әшкере болды, - деп хабарлайды Kznews.kz тілшісі Сыбайлас жемқорлыққа қарсы іс-қимыл агенттігіне сілтеме жасап.
Ведомство мәліметінше, Ізбасаров жемқорлыққа байланысты әшкереленген.
"Иә, оның жемқорлыққа байланысты әшкереленгенін растаймыз. Тергеу мүддесіне сай басқа ақпарат жарияланбайды. Толық мәлімет сәл кейінірек болады", - деді Сыбайлас жемқорлыққа қарсы іс-қимыл агенттігінің баспасөз қызметі өкілдері.
Еске салайық, Бауыржан Ізбасаров Жетісу облысы Төтенше жағдайлар департаментінің басшысы лауазымына 2022 жылдың тамызында тағайындалған болатын.
