Қазақстандық боксшы, Олимпиада ойындарының чемпионы Данияр Елеусінов кәсіби рингтегі алтыншы кездесуін өткізді. Бұл туралы Stan.kz Sports.kz-ке сілтеме жасап хабарлайды.
Ол Филадельфияда (Пенсильвания штаты, АҚШ) Liacouras Center аренасында өткен бокс кешінде өнер көрсетті. Елеусіновтің қарсыласы - 36 жастағы мексикалық Сильверио Ортис (37-23, 18 КО) болды.
Жартылай орта салмақтағы кездесу 8 раундқа жоспарланған болатын. Жекпе-жек төрешілердің шешімімен Елеусіновтің пайдасына шешілді.
Осылайша Данияр кәсіби рингтегі алтыншы жеңісіне қол жеткізді. Олардың үшеуін қазақстандық боксшы нокаутпен аяқтаған. Ортис болса кәсіби мансабында 24-ші жеңіліске ұшырады.
Айта кетейік, Елеусіновтің кәсіби рингке келгеніне сәуірде бір жыл болады. Биыл боксшы чемпиондық белбеулер үшін таласады деп күтілуде.
Stan.kz сайтын Telegram арқылы оқыңыз. Арнамызға жазылыңыз.
stan.kz