18 сәуір, 2019
"Қазақконцерт" ұйымы мекемесінің басшысы Жеңіс Сейдоллаұлының анасы дүниеден озды, деп хабарлайды Stan.kz тілшісі.
Өнер иесіне алғашқылардың бірі болып сахнадағы қарындасы Мөлдір Әуелбекова әлеуметтік желіде көңіл айтты.
"Отбасына және туған-туысқандарына ардақты анамыз Рысмамбетова Үрзипа Кәрібайқызының өмірден озуына байланысты қайғырып көңіл айтамыз. Сұрапыл соғыстың тауқыметін көріп, тылда еңбек еткен, 10 баланы дүниеге әкелген батыр ана бейнетінің зейнетін көріп, ұл-қызының ортасында бақытты ғұмыр кешті. Апамыздың иманы жолдас болып, нұрлы да мөлдір жаны бейіште шалқысын", - деп жазды Әуелбекова.
Әлеуметтік желі қолданушылары да өз кезегінде бұл қайғыға ортақ екенін жеткізді.
stan.kz
