1 қаңтар, 2019
«The Qazaq Times» ақпараттық порталы барша жұртты Жаңа жыл мерекесімен құттықтайды.
Биыл Қазақстанда айтулы оқиғалар болғаны белгілі. Олардың негізгілері – Астанада өткен Орталық Азия елдері басшыларының басқосуы, Ақтауда өткен «Каспий жағалауы елдері басшыларының» кезекті саммиті, ҚР Қауіпсіздік кеңесі жөнінде қабылданған заң жобасы. Сондай-ақ, 2018 жыл Қазақстандағы Өзбекстан жылы ретінде есте қалмақ. Ең бастысы, еліміз аман, бауырымыз бүтін.
Ендеше, келіп жеткен 2019 жыл ерекше өзгерістер мен қуаныш жылы болсын. Әрбір шаңыраққа құт-береке, ынтымақ, қызметте мол табыс тілейміз. Барлық салада, саясат сахнасында Қазақстан іргелі жетістіктерге жете берсін! Жаңа жыл жақсы күндер мен жаңа мүмкіндіктер сыйласын!
