12 сәуір, 2022
Мәсімовті абақтыдан босатып, ауруханаға жеткізу керек. Бұл туралы karimmassimov.com сайты хабарлады, деп жазады kznews.kz сайты «Адырна» ұлттық порталына сілтеме жасап.
Сайттың мәліметіне қарағанда Кәрім көке көп жыл бойы көптеген созылмалы кеселмен күресіп келеді, соның ішінде жүректің ишемиялық ауруына шалдыққан.
Әлгі ауру Мәсімовтен былтырғы жылдың көктемінде анықталған екен. Абақтыға қамалғалы бері Мәсімовтың жағдайы күрт төмендеп, ескі сырқаты қайта қозыпты.
«Заң бойынша қоғамға зияны жоқ, ауыр дертке шалдыққан тұтқындар түрмеден босауға құқылы. Мәсімовтың жағдайын білетін дәрігерлер оны дереу босатуды талап етуде. Тиісті ем-дом жасалмаса айырылып қалуымыз мүмкін...» - дейді ҰҚК-ның экс-төрағасына тиесілі сайт.
Айта кетейік, атышулы Мәсімов мемлекетке опасыздық жасады деп айыпталып, Қаңтар дүрбелеңінен кейін көп ұзамай қамауға алынған болатын.
