Бүгін, 15:38
Актриса Жұлдыз Әбдікәрімова әлеуметтік желідегі парақшасында актер Азамат Сатыбалдымен бірге түскен жаңа фотосессиясын жариялап, оқырмандарының қызу талқысына түсті, деп хабарлайды kznews.kz turkystan.kz сайтына сілтеме жасап.
Өнер иесі суреттердің жаңа қойылымға арналғанын айтып, жазбасында спектакльдің мазмұнына тоқталған.
«Бұл спектакль – махаббат туралы ғана емес. Сезімді тұрмыс жеңген, бір кездері бір-бірін шексіз сүйген екі адамның уақыт емдей алмаған жараларының ізі жайлы...», – деп жазды Жұлдыз Әбдікәрімова.
Желі қолданушылары актерлердің бірге түскен суреттеріне түрлі пікір қалдырды. Бірі олардың сахналық үйлесіміне тәнті болса, енді бірі әзіл-оспақпен пікір білдірген.
«Қайрекең шалқасынан түспесін», «Жұлдызға осындай ер адам көбірек жарасады», «Жұлдыз осы Азаматпен күшті жұп сияқты», «Шошып кеттім ғой», «Өте жарасымды жұп», – деп жазды желі қолданушылары.
Айта кетейік, жарияланған фотосуреттер Жұлдыз Әбдікәрімова мен Азамат Сатыбалды ойнайтын «Сен және мен» драмасының премьерасына арналған.
