Әлеуметтік желі арқылы кеңінен танымал болған заңгер және блогер Әділетхан Молдахан ұсталды, деп хабарлайды kznews.kz.
Полиция оның ұсталғанын растады. Қазір Молдаханға қатысты жалған ақпарат тарату фактісі бойынша сотқа дейінгі тергеу басталып, күдікті уақытша ұстау изоляторына қамалған. Алайда, полиция қандай ақпараттың жалған деп танылғаны туралы нақты мәлімдеме жасаған жоқ.
Айта кетейік, блогер соңғы уақытта Алматыдағы Әл-Фараби даңғылында болған адам өліміне әкелген жол-көлік оқиғасына қатысты түрлі болжамдар жариялаған.
Қазіргі таңда іс бойынша тергеу амалдары жалғасып жатыр.