Бүгін, 09:56
Жамбыл облысындағы әскери бөлімдердің бірінде қайғылы оқиға орын алды. Қызметтік міндетін атқару барысында қару алған мерзімді қызметтегі жауынгер снайперлік мылтықтан өзіне оқ атып, алған ауыр жарақатынан оқиға орнында көз жұмды, деп хабарлайды kznews.kz.
Әскери қызметкердің қаза болғанын Бас прокуратура ресми түрде растады.
Аталған дерек бойынша 27 қаңтар күні Ішкі істер министрлігінің әскери-тергеу органдары сотқа дейінгі тергеп-тексеру жұмыстарын бастаған. Қазір жедел-тергеу тобы құрылып, істің мән-жайы жан-жақты тексеріліп жатыр. Тергеу барысы Бас прокурордың жеке бақылауына алынған.
Оқиғаның себептері мен барлық жағдайын объективті анықтау үшін Қорғаныс министрінің орынбасары, Бас әскери прокурор және ІІМ Әскери-тергеу департаментінің басшысы арнайы оқиға орнына барды.
Қазіргі таңда тергеу жалғасуда, ресми органдар қосымша ақпарат кейінірек хабарланатынын мәлімдеді.
