Атырау облысының Индер ауданында екі кішкентай бүлдіршіннің велосипедпен жолға шығып кетуі қайғылы жағдаймен аяқтала жаздады, деп хабарлайды kznews.kz.
Оқиға 28 наурыз күні Уәлиханов көшесінде болған. Бақылау камералары арқылы жол бойында ересектердің қарауынсыз жүрген балаларды полиция қызметкерлері байқап қалған.
Аудандық полиция өкілдері жедел әрекет етіп, жақын маңдағы қызметкерлерге тапсырма берген. Нәтижесінде балалардың ата-аналары анықталып, бүлдіршіндер үйлеріне жеткізілді. Заңды өкілдермен түсіндіру жұмыстары жүргізілді.
Кейін балалардың бірінің анасы әлеуметтік желіде полиция қызметкерлеріне алғыс айтып, олардың жедел әрекетінің арқасында балалар аман-есен табылғанын атап өтті.