6 қараша, 2025
Қазақстан Президенті Қасым-Жомарт Тоқаев жұмыс сапарымен АҚШ-қа барды. Бұл жөнінде Ақорданың баспасөз қызметі хабарлады.
Ертең Мемлекет басшысы Президент Дональд Трамппен келіссөз жүргізбек.
Президент Қасым-Жомарт Тоқаевты АҚШ-та оқитын қазақ студенттері қарсы алды. Мемлекет басшысы отандастарымызбен аз-кем әңгімелесіп, оларға табыс тіледі.
Сапар аясында Ел басшысы бірқатар халықаралық ұйымдар мен шетелдік ірі компания өкілдерімен кездесулер өткізеді, деп хабарлайды kznews.kz.
Тоқаев Орталық Азия мемлекеттері мен АҚШ арасындағы «5+1» форматындағы жоғары деңгейдегі саммитке қатысады. Бұл жиынға Қазақстанмен бірге Қырғызстан, Өзбекстан, Тәжікстан және Түрікменстан басшылары, сондай-ақ АҚШ Мемлекет қосшысы қатысуы жоспарланған.
Кездесудің күн тәртібінде:
- саяси және экономикалық ынтымақтастықты кеңейту,
- аймақтық қауіпсіздік,
- транспорттық және энергетикалық жобаларды дамыту,
- климат өзгерісіне қарсы бірлескен шаралар сияқты мәселелер бар.
«5+1» форматы аймақ елдерінің АҚШ-пен тікелей дипломатиялық және экономикалық деңгейде өзара әрекеттесуін күшейту мақсатында өткізіліп келеді. Бұл — Орталық Азия мен Вашингтон арасындағы стратегиялық диалогтың маңызды алаңдарының бірі саналады.
Саммит қорытындысы бойынша бірлескен мәлімдеме жариялануы мүмкін.
