20 қаңтар, 2021
АҚШ-тың сайланған президенті Джо Байден 20 қаңтарға белгіленген инаугурациясы алдында, өзі туып-өскен Делавэр штатында қоштасу сөзін сөйледі.
Шара Джо Байденнің үлкен ұлы Джозеф "Бо" Байденнің есімі берілген Делавэр штатының Ұлттық гвардиясының үшінші резервистер орталығында өтті. 2007 жылдан 2015 жылға дейін Делавэрдің бас прокуроры қызметінде істеген Байденнің ұлы айықпас дерттен көз жұмған.
Сайланған президент пен болашақтағы бірінші ханым сейсенбі күні кешкісін Делавэр қаласының Нью-Кастл әуежайынан Мэрилендегі "Эндрюс" әскери базасына барып, ол жерден Вашингтонға келді. Сәрсенбі күні АҚШ-тың 46-президенті ант береді.
Associated Press агенттігі инаугурацияға Дональд Трамп қатыспайтынын жеткізді. Ақ үй Трамптың қоштасу видеосын Байденнің ұшағы "Эндрюс" әуе базасына қонып жатқан кезде жариялады. Трамп жаңа әкімшілікке барлық жақсылықтарды тілеген. Бірақ 20 минөттік сөзінде Байденнің аты-жөнін бірде-бір атамады.
