Әнші әлеуметтік желіде бұл ақпараттың шындыққа мүлде жанаспайтынын айтып, өз оқырмандарына үн қатты.
«Бұл не масқара? Ұлым мінез көрсеткен жоқ, келінімнен безінбедім. Шығармашылық жоспарларыма байланысты Астанаға өз еркіммен қоныс аудардым. Мынадай сұмдықты кім айтты? Жап-жаңа отбасын құрып, үлкен өмірге енді ғана қадам басқан жас жұбайларды неге бұлай күйелейді?» — деп жазды өнер иесі.
Керімбекова ұлын да, келінін де қорғап, олардың арасындағы өзара сыйластық пен түсіністікті атап өтті:
«Өз анасын өзекке тебетін менің ұлдарым арсыз емес. Ұлын анасына қарсы қойып, айдап салатын тексіз емес менің келінім!» — деді әнші.
Ақбота Керімбекова желі қолданушыларынан расталмаған ақпарат таратпауға және отбасылық мәселелерге негізсіз араласпауға шақырды.
