Үкімет сағатында отыра алмаған Дәулет Мұқаев әрекетіне қатысты пікір білдірді

Депутат бұл жағдайға қатысты өз парақшасында түсініктеме берді. Оның айтуынша, отырыс кезінде бел ауруының асқынуына байланысты өзін жайсыз сезінген.

«Үкімет отырысында әрең отырдым. Белімде біраздан бері протрузия (L-5, L-6) бар еді. Қазір грыжаға айналып кеткен сияқты — отырсам да, жатсам да белім қатты ауырады. Үкімет сағатынан кейін ауруханаға барып, укол салдырдым. МРТ-ға кезек болмағандықтан, тек келесі аптаға жазылдым. Үйге уколдың әсерімен әрең жеттім, көлік жүргізушіме рақмет», — деді Мұқаев.