18 қараша, 2018
Марсельде үйсіз жүрген әйел қаладағы дәмхананың біріне келгендерге тұзды қышқыл шашып жіберген.
Салдарынан алты адам күйіп қалды. Келеңсіз жағдай Марсельдегі Ескі порттың маңындағы Unic дәмханасында болған. Басылымның атап өтуінше, барлық зардап шеккен жандар ауруханаға жеткізілді. Дәрігерлер олардың қолдары, аяқтары мен беттері күйіп қалғандығын мәлім еткен.
Дегенмен жарақаттар жеңіл, зардап шеккендердің өміріне қауіп төніп тұрған жоқ. Келушілерге қышқыл құйып жіберген әйел ұсталды. Үйсіз-күйсіз жүрген жанды бұл аудан тұрғындары жақсы білетінге ұқсайды.
«Оның жүйкесі жұқарған»,-деседі олар.
Әзірге полиция қылмыстың неліктен жасалғандығын анықтай алған жоқ.
Дереккөз:ҚазАқпарат
