Бүгін, 13:10
Атырауда төрт адамның өліміне қатысты резонансты қылмыстық іс бойынша өтіп жатқан сот отырысында марқұм Мақсот Қарабалиннің қарындасы Әдемі Шылмағамбетова куәлік беріп, оқиға болған үйдің маңында бұрыннан күмәнді жағдайлар болғанын мәлімдеді, деп хабарлайды kznews.kz.
Оның айтуынша, маңайдағы тұрғындар аталған үйден жиі түсініксіз дыбыстар шығатынын айтып, бұл жағдайдан қауіптенген. Көршілердің сөзінше, белгісіз дыбыстар олардың үрейін күшейтіп, алаңдаушылық тудырған.
«Айналадағылар үй маңынан түрлі дыбыс шығады деп қорқатын», – деді Әдемі Шылмағамбетова сот барысында.
Қазіргі уақытта қоғам назарындағы қылмыстық іс бойынша сот тергеуі жалғасып жатыр. Отырыстар барысында жәбірленушілер, куәгерлер және өзге де процеске қатысушылар жауап беріп, іс материалдары жан-жақты зерттелуде. Сот оқиғаның барлық мән-жайын анықтау үшін ұсынылған дәлелдер мен айғақтарды тексеріп жатыр.
