23 қыркүйек, 2019
Қысқа сілтеме алу
Кездесудің жиырмасыншы секундында мексикалықтың саусағы қарсыласының көзіне тиді. Бұдан соң дәрігерлер жекпе-жекті тоқтатты
НҰР-СҰЛТАН, 23 қыркүйек — Sputnik. Мехикода өткен UFC Fight Night 159 турнирінің басты жекпе-жегі – мексикалық Яир Родригес пен америкалық Джереми Стивенстің кездесуі жанжалмен аяқталды.
Кездесудің жиырмасыншы секундында мексикалықтың саусағы қарсыласының көзіне тиді. Бұдан соң спортшы қайта рингке шығуға тырысты. Алайда дәрігерлер жекпе-жекті тоқтату керек деген шешім қабылдады, деп хабарлайды Sputnik Қырғызстан.
Мұндайды күтпеген жанкүйерлер америкалыққа бөтелке сынды қолдарындағы заттарды лақтыра бастады. Залдан шығу үшін Стивенске күзеттің көмегі қажет болды.
Кейін жүргізуші UFC Fight Night 159 турнирінің басты жекпе-жегі өткізілмеген болып саналатынын айтты. Ал Родригес жанкүйерлерден кешірім сұрады.
sputniknews.kz
