27 қараша, 2021
Уәлибек Әбдірайымовтың әзілі көпшілікті күлкіге қарық қылды. Әзілкеш бұл жолы коронавирус туралы әзілдеді. Желі қолданушылары мұны астарлы әзіл деп бағалады, деп хабарлайды kznews.kz сайты stan.kz порталына сілтеме жасап.
Уәлибек Әбдірайымов көпшілікті әзілімен күлкіге қарық қылды.
«Бізде коронавирус алғаш басталған уақытта жаппай дезинфекция жасады. Біз ғана емес, бүкіл ел дезинфекция жасап, аурудың алдын алуға тырысты. Жапонияны, басқа да елдерде қарасаң, олардың дезинфекциясынан соң дала көрінбей, тұншыға жаздайсың. Дезинфекцияны аямайды. Ал біздің елде қалай. Әр жерде тазалаушы бір бала жүреді. Оның қолына ұстаған затын әрбір жерге тамызады. Анда бір, мында бір шашады. Неге дейсіздер ме? Біздің балалар вирустың қайда тұрғанын біледі. Сол үшін дәл вирус тұрған жерлерге ғана шашады. Себебі біздің балалардың көзі ерекше көреді. Олар көзге көрінбейтін вирустың өзін тауып қояды», – деп әзілдеді.
Көрермен күлкіге қарық болды. Желі қолданушылары мұның әзіл емес, шынайы оқиға екенін айтып жатыр.
