Түркістан облысында құтқарушылар 31 наурыз күні жоғалып кеткен қыз баланың денесін тапты, деп хабарлайды kznews.kz.
Мәліметті Қазақстан Төтенше жағдайлар министрлігінің баспасөз қызметі растады.
«2026 жылғы 4 сәуірде Түркістан облысы Сайрам ауданына қарасты Машат ауылындағы Машат өзенінде жүргізілген іздестіру-құтқару шаралары кезінде ТЖМ жедел-құтқару жасағының мамандары 2024 жылы туған баланың мәйітін анықтады», — делінген ресми ақпаратта.
Іздестіру жұмыстары бірнеше күнге созылған. Алдын ала деректерге сәйкес, қыз бала 31 наурыз күні өзенге құлап кеткен. Оның денесі оқиға болған жерден шамамен 7 шақырым төмен аймақтан табылды.