18 мамыр, 2024
Сарыағаш аудандық полиция бөліміне арызданған жергілікті тұрғын үйдің жанында ойнап жүрген кішкентай қызының көзден таса болғанын жеткізген, деп хабарлайды Kznews.kz Skifnews.kzақпарат порталына сілтеме жасап.
Қазір жоғалған бүлдіршінді іздеуге төтенше жағдайлар департаментінің қызметкерлері, құтқарушылар, әкімдік қызметкерлері мен еріктілер және жергілікті тұрғындар тартылды.
Сондай-ақ, полиция бөлімінің барлық жеке құрамы жұмылдырылды.
Іздеушілер жақын маңдағы аумақтарды, қараусыз қалған ғимараттарды, канал жағалауларын және бүлдіршін бара алатын басқа да бағыттар бойынша жан-жақты тексеру жұмыстарын жүргізіп жатыр.
Түркістан облысы полиция департаментінің баспасөз қызметі:Егер баланың жүрген жері туралы ақпарат білсеңіз, 102 жедел желісіне хабарласуыңызды сұраймыз, - делінген хабарлама таратты.
Баласының қалай жоғалғанын ата-анасы айтып берді.
Фото: Түркістан облысы ПД
