Бүгін, 08:58
Түркия мемлекетінің Стамбұл қаласында Қазақстан азаматы белгісіз біреудің қолынан қаза тапты. Қайғылы оқиға 31 наурыз күні болған, деп хабарлайды kznews.kz.
Түрік БАҚ мәліметінше, күдікті ер адам көшеде жәбірленушіге жақындап, басынан атып, оқиға орнынан ізін суытқан. Қаза тапқан азамат жеке компанияда курьер болып жұмыс істеген.
Полиция жедел әрекет етіп, екі күдіктіні анықтап, оларды елден кетпек болған кезде Эдирне қаласында қолға түсірді. Қазір тергеу амалдары жүргізілуде.
Қазақстанның Сыртқы істер министрлігі бұл деректі растады. Ал Қазақстанның Стамбұлдағы Бас консулдығы марқұмның туыстарына қажетті көмек көрсетіп жатыр.
