5 желтоқсан, 2025
Танымал тележүргізуші Гүлназ Әлімгерей жақында қоғам талқысынан түспей жүрген Мөлдір Мұқанова мен Тұрсынбек Қабатов арасындағы жағдайға қатысты өз пікірін білдірді, деп хабарлайды kznews.kz.
Ол ең алдымен Мөлдір Мұқанованың тектілігі мен сабырлы мінезін ерекше атап өтті.
“Ағаңның абыройын дастарқанмен жинадым” деп, бір жақсы көретін жеңгем айтып еді. Тұрсынбек пен Мөлдірдің шаңырағында талай мәрте қонақ болдық. Кешегі ұлымыздың тойында да ештеңе байқатпай, өнерін көрсетіп, ақ тілегін айтып кетті. Ал арада бірнеше күн өткен соң сұхбаты жарияланды. Мөлдір ішіндегі сырын ашып айтса да, басқа әйелді кемсітіп, ауыр сөз айтпағаны – мен үшін оның тағы бір тектілігінің дәлелі», – деп жазды тележүргізуші.
Гүлназ Әлімгерей олардың қарым-қатынасы жайлы жеке эмоциясын да жасыра алмады.
«Екеуі көз тоятын әдемі жұп еді. Шынында қимаймын. Араларында мейірім, сезім мүлдем жоқ болып қалды дегенге сенбеймін. Бәлкім, әлі де бір-біріне деген жылы ұшқын қалған шығар деген үміттемін…» – деді ол.
Сонымен қатар, тележүргізуші Мөлдір Мұқанованың жаңа фильміне Орал қаласында үлкен сұраныс бар екенін айтып өтті.
«Бүгін Оралдағы “Шай” фильміне билет тапшы. Оңаша отырып ішуге арналған бір шыны шайға да уақыт жоқ. Алла халықтың ықыласынан айырмасын, Мөлдіржан!» – деп жазды Гүлназ Әлімгерей.
