Президент Қасым-Жомарт Тоқаев Геннадий Головкинді World Boxing халықаралық федерациясының президенті болып сайлануына орай құттықтау жолдады, деп хабарлайды kznews.kz.
Мемлекет басшысы өзінің құттықтауында бұл шешім атақты боксшының ұзақ жылдар бойғы еңбегі мен әлемдік спорттағы беделінің жоғары екенін көрсететінін атап өтті.
«Бұл – Геннадий Головкиннің ерен еңбегіне берілген лайықты баға. Даңқты отандасымыз олимпиадалық спорт түрі бойынша халықаралық федерацияны басқаратын Қазақстанның алғашқы өкілі атанды», – делінген Президенттің құттықтауында.
