Белгілі актер, ұстаз Тұңғышбай Жаманқұлов Байқоңырдың бұрынғы атауын естігенде төбе шашы тік тұрды, деп хабарлайды kznews.kz.
"Жақында Байқоңырдың ел болған алғашқы атын естідім. Төбе шашым тік тұрды. Байқоңырдың бұрынғы аты – Жеркіндік. Сол жерден космосқа ұшып жатыр", – деді Тұңғышбай Жаманқұлов.
Оның айтуынша, "Жеркіндік" деп атаған қазақтың даналығы таңдай қақтырады.
Желі қолданушылары актердің пікірін қызу талқылап, алуан түрлі пікір қалдырды.
"Бұл кісілер сөйлегенде тыңдай бергің келеді, сөздің парқын біледі", "Жеркіндік деген қандай әсем атау, білгенге – маржан", "Қазақтың жері тегін емес, бәрі біздің топырақта басталғандай", "Бабаларымыздың даналығына бас иеміз, қазақ болғаныма шүкір", – деген секілді мақтау мен ризашылыққа толы пікірлер көп болды.