Питер Бос Нагаландық хедхантерлер бейнесін суреттейтін сериялар түсірді. Бұл бейнелер «Коньяктар: әшекейлі аңшылардың соңғы буыны» деген кітаптан таңдалынып алынды.
Хедхантерлер өздерінің татуировкаларын дұшпандарына деген қарсылықтарын бейнелеу үшін пайдаланған.
Хедхантерлер тарих қойнауына сіңіп кеткеніне қарамастан Коньяк тайпасының егде тұрғындарының бойындағы татуировкалар сақталып келеді.
Коньяк тайпасының шамамен 230 мыңға жуық тұрғыны Үндістанның Мьянма шекарасына жақын Нагаланд елдімекенінде тұрақтаған.
Христиан миссионерлері аймаққа табан тіреген ХІХ ғасырдың екінші жартысынан бастап тайпаның дәстүрлі татуировкасы әлсірей бастады.
Бет белгілерімен қосқанда дене таңбалары тайпада аталып өткен негізгі және өтпелі кезеңдердегі салт-жоралғыларды орындау барысында пайдаланылған.
Бос Нагаланд елдімекеніндегі күнделікті өмірдегі түрлі аспектелерді тауып, көрсеткен.
Коньяк жауынгерінің дәстүрлі киімі.
«Татуировканың әрбір таңбасы әлдекімнің мәртебесі немесе өмір кезеңін бейнелеген», - дейді 38 жастағы Коньяк Хедхантердің шөбересі Пежин Коньяк.
Бос портреттерімен қоса кітапта тату суреттерінің иллюстрациялары мен тайпаның әдет-ғұрыптары, рәсімдері және қоғамдық құрылыстары жайлы мәліметтер егжей-тегжейлі қамтылған.
Татуировкалар дәстүрлі түрде ротандар мен ағаш пигменттерін пайдалану арқылы қолмен теріге бекітілген.
Коньяк өз зерттеуінің дәстүрлері жоғалып кеткен тайпасының жас буын өкілдері үшін құнды жазба болып қалатындығына сенеді.
Портреттердің төрт жылға жуық уақыт аралығында дайындаған Бос алты аптадай Нагаландта болған.
Портреттер тайпаның бамбуктен, пальма жапырағынан және ағаштан жасалған дәстүрлі үйлерінде жиі түсірілген.
Бос бір қарағанда қорқынышты көрінетін жауынгерлердің мейірімді және дархан болғанымен, портреттерінің «олардағы мұңды» бейнелейтінін айтты.
Бос жобаларының басым бөлігінде дәстүрлі киімдерді пайдаланылды, бірақ кейбіреулерінде спорттық киімдер мен заманауи үлгідегі аксессуарлар көрініс тапты.
«Олар әлі тірі, бірақ уақыт оларды құрықтады», - дейді Бос егде тұрғындар жайлы.
«Олар енді бұл әлемде жоқ».
Дереккөз: cnn.com
Аударған: Мөлдір Бекжан
