23 ақпан, 2019
Ол Қылмыстық кодекстің бірден үш бабы бойынша айыпталып отыр.
Жамбыл облысының полиция қызметкерлері есірткі саудасымен айналысқан адамды ұстады, деп хабарлайды Zakon.kz облыстық Полиция департаментінің баспасөз қызметіне сілтеме жасап.
Ақпаратқа сәйкес, Жамбыл облысы Полиция департаментінің Есірткі саудасымен күрес басқармасының қызметкерлері жедел іздестіру шарасының барысында бұрын сотты болған 34 жастағы Тараз қаласының тұрғынын құрықтады. Ол есірткі заттарын заңсыз сақтаумен, өткізумен және оларды пайдалану үшін өз үйін ұсынып отырған.
Рұқсат етілген тексеру жұмыстары кезінде оның үйінде есірткі затының (кептірілген марихуана) бары анықталған. Аталған дерекке қатысты ҚР ҚК 297-бабының 1-бөлімі, ҚР ҚК 296-бабының 2-бөлімі және ҚР ҚК 302-бабына сәйкес сот алды тергеу жүріп жатыр. Ұсталған азамат өз кінәсін толық мойындап, ол Тараз қалалық 13-тергеу изоляторына қамауға алынды.
Telegram арнасындағы маңызды жаңалықтар «zakon.kz». Жазылу!
[ad_2]
Zakon.kz
