Бүгін, 12:50
Полиция қызметкерлері күдіктілерді талап етілген ақшаның 5 миллион теңгесін алып жатқан кезде ұстаған.
Шымкентте кәсіпкерден 10 миллион теңге талап етіп, өзін және жүк көлігін өртеп жібереміз деп қорқытты деген күдікпен екі адам ұсталды, деп хабарлайды kznews.kz Almaty.tv арнасына сілтеме жасап.
Телеарна мәліметінше, оқиға қалалық базарлардың бірінде болған. Ет тасымалдау кезінде тауар бүлініп, соның салдарынан тараптар арасында келіспеушілік туындаған.
Алайда дауды заңды жолмен шешудің орнына күдіктілер кәсіпкерден 10 миллион теңге талап етіп, оған қоқан-лоқы көрсеткен.
Полиция қызметкерлері күдіктілерді талап етілген ақшаның 5 миллион теңгесін алып жатқан кезде ұстаған. Қазір олар уақытша ұстау изоляторына қамалған.
Аталған факті бойынша «Өз бетінше билік ету» бабы бойынша қылмыстық іс қозғалды. Қазіргі уақытта тергеу амалдары жүргізіліп, оқиғаның мән-жайы анықталып жатыр.
