Талдықорған қаласындағы Жетісу ТВ арнасында «Жаңа адамдар» қозғалысы туралы арнайы сюжет жарық көрді. Материалда қозғалыстың күн сайын қоғам талқысына еніп жатқан бастамалары мен жаңа буын көшбасшылары елді идея, жауапкершілік және жасампаздық арқылы қалай өзгертіп жатқандығы жан-жақты көрсетілді.
Сюжетте Талдықорған мен Қазақстанның өзге өңірлеріндегі қозғалыс кампустарының дамуы, белсенділердің әлеуметтік жобалардан бастап резонансты кейстерге дейінгі жүйелі жұмыстары кеңінен қамтылды. Бүгінде күн сайын жүздеген жас бір шаңырақ астында жиналып, көшбасшылық қасиеттерін жетілдіріп, заманауи патриотизмнің жаңа формасын қалыптастырып келеді.
Осы бағыттағы тиянақты жұмыстар «Жаңа адамдарды» нағыз азамат мектебі ретінде айқындап отыр. Қазір Қазақстанның 19 қаласында мыңдаған жас ортақ мақсат — қоғамды өзінен бастау қағидасымен жұмыс істеп, бір-бірінен қашықта болса да, бір бағытта қозғалып келеді.
Қозғалыс кампустарының кеңеюі әр адам айналасында болып жатқан оқиғаларға жауапкершілікпен қарағанда ғана нақты өзгерістер басталатынын көрсетеді. Бұл – «адал азамат» концепциясының негізгі мазмұны. Ол өз еліне, қаласына, айналасындағы адамдарға және ісіне адал болуды дәріптейді.
Сюжетте сондай-ақ 124 азаматтық науқанының жұмысы туралы айтылды. Бастапқыда шағын топ бастаған бұл бастама бүгінде азаматтар, телеарналар және БАҚ тарапынан кең қолдауға ие болып отыр. Балалардың қауіпсіздігіне бейжай қарамау, қоғамда немқұрайлылыққа орын қалдырмау – осы науқанның басты қағидаттары. Бұл нақты өзгерістер мүмкін екенін және әр азаматтың ұстанымы маңызды рөл атқаратынын дәлелдейді.
Мұндай бастамалар — еңбекқорлық, жаңашылдық және өзгеріс жасауға дайындық секілді құндылықтарды күшейтетін заманауи әрі адал патриотизмнің жолы.
