Бес қабатты тұрғын үйдің бірінші қабатындағы пәтерден өрт шыққан
Талдықорған қаласында көпқабатты үйден өрт шығып, құтқарушылар бірнеше адамның өмірін сақтап қалды. Төтенше жағдайлар министрлігінің мамандары қою түтін құрсауында қалған сегіз адамды, оның ішінде жеті баланы қауіпсіз жерге шығарды, деп хабарлайды kznews.kz ведомствоның баспасөз қызметіне сілтеме жасап.
Оқиға 2026 жылдың 7 қаңтарында Талдықорғандағы Қаратал мөлтек ауданында болған. Бес қабатты тұрғын үйдің бірінші қабатындағы пәтерден өрт шығып, санаулы минуттардың ішінде бүкіл кіреберісті қою қара түтін басып қалған.
Жоғарғы қабат тұрғындары түтіннен далаға шыға алмай, терезелерге жиналған. Оқиға орнына жеткен ТЖД бөлімшелері дереу автосатыны қолданып, тұрғындарды терезе арқылы түсіре бастады.
Құтқару операциясының нәтижесінде барлығы 8 адам құтқарылды. Ең бастысы — олардың жетеуі кішкентай балалар.
«Құтқарылғандардың барлығы профилактикалық мақсатта Талдықорған қалалық көпбейінді ауруханасына жеткізілді. Онда мамандар балалар мен ересектерді қосымша медициналық тексеруден өткізуде», — деп хабарлады ТЖМ өкілдері.
Өрттен зардап шеккендер жоқ. Қазіргі уақытта мамандар тілсіз жаудың шығу себебін анықтап жатыр.
