Бүгін, 11:47
Түркістанда отбасылық жанжал қайғылы жағдайға ұласып, 54 жастағы әйел қаза тапты. Алдын ала мәлімет бойынша, әйелге пышақ жарақатын оның күйеуі салған. Күдікті қазір қамауға алынған, деп хабарлайды kznews.kz.
Қайғылы оқиғаны алғаш болып ерлі-зайыптылардың кенже ұлы байқаған. Анасының дауысын естіген ол бөлмеге кіргенде, әйелді ауыр жарақат алған күйде көріп, жедел жәрдем шақырған. Дәрігерлер оның өмірін сақтап қалуға тырысқанымен, әйел ауруханада көз жұмған.
Көршілердің айтуынша, ерлі-зайыптылар шамамен 25 жыл бірге тұрған және төрт бала тәрбиелеген. Оқиғадан кейін ер адам өзіне де пышақ жарақатын салып, өз-өзіне қол жұмсамақ болған. Ол медициналық көмекке жүгінген.
Қазір аталған дерек бойынша тергеу жүріп жатыр. Отбасылық жанжалдың неден басталғаны және қылмыстың нақты мән-жайы анықталуда.
