Шымкент қаласының прокуратурасы блогер әрі заңгер Айгүл Орынбекке қарсы қылмыстық іс қозғалғанын растады, деп хабарлайды kznews.kz.
Тергеу барысында Орынбекке үш бап бойынша айып тағылды: ҚР Қылмыстық кодексінің 190-бабы, 3-бөлігі, 1-тармағы — ірі өлшемдегі алаяқтық; 407-бабы, 2-бөлігі — сотқа дейінгі тергеуге кедергі келтіру; 423-бабы — тергеу деректерін жариялау.
Прокуратураның мәліметінше, «қазіргі уақытта іс бойынша барлық мән-жайларды жан-жақты, толық әрі объективті зерттеу үшін қажетті тергеу әрекеттері жүргізіліп жатыр».
Айгүл Орынбек бұған дейін өзінің қамауға алынғаны туралы ақпаратты жоққа шығарған, полиция оны ұстамағанын мәлімдеген еді.