Бүгін, 12:38
Елімізде 22-тамыздан бастап сыбайлас жемқорлық фактілері туралы хабарлаған азаматтарға ақшалай сыйақы төлеу тәртібі қолданысқа енгізіледі.
Ұлттық қауіпсіздік комитетінің мәліметінше, жемқорлық құқық бұзушылықты анықтауға ықпал еткен ақпарат алдымен тексеріледі. Одан кейін арнайы комиссия сыйақы төлеу туралы шешім қабылдайды. Мақұлданған жағдайда қаражат хабар берушінің банк шотына аударылады.
Сыйақы мөлшері анықталған параның немесе келтірілген залалдың көлеміне байланысты белгіленеді. Ең жоғары төлем 17,3 млн теңгеге дейін жетуі мүмкін.
Айтпақшы, бұл мүмкіндік қызметтік міндетіне байланысты сыбайлас жемқорлық туралы хабарлауға тиіс мемлекеттік қызметшілерге қолданылмайды екен. Оларға ақшалай сыйақының орнына алғыс жариялау немесе грамота табыстау қарастырылған-мыс.
