Бүгін, 12:34
Атырау облысында төрт адамның қазасына қатысты іс бойынша күдікті Сұлтан Сәрсемалиев екі айға қамауға алынды. Ал оның азаматтық некедегі жұбайы Ақбаян Мұқанғалиева қазіргі уақытта психикалық денсаулық орталығында ем қабылдап жатыр, деп хабарлайды kznews.kz.
Оқиғадан кейін күдіктілердің бес баласы мемлекеттік қамқорлыққа алынған. Үш бала бейімдеу орталығында болса, бір және үш жастағы екі сәби балалар үйіне орналастырылған.
Мамандар балалардың жағдайы тұрақты екенін айтады. Журналист Жұлдыз Тілеуханның мәліметінше, оларға ата-әжелері келіп тұрады, алайда анасының туыстары әзірге хабарласпаған.
Балалар ата-аналарын жиі сұрап, үйлеріне қайтқысы келетіндерін жеткізуде.
