Белгілі заңгер Мейірман Шекеев әлеуметтік желідегі парақшасында сүйінші жаңалығымен бөлісті, деп хабарлайды kznews.kz.
Заңгердің айтуынша, алданып, Ресей арқылы Украинадағы соғысқа кетіп қала жаздаған 25 жас елге қайтарылып, ата-аналарымен қауышқан. Шекеев бұл істің артында үлкен еңбек пен тынымсыз ізденіс жатқанын атап өтті.
«25 баланы туған жердің топырағына табыстырдық. Үміті үзілген ата-аналардың қуанышын көру – мен үшін ең үлкен бақыт. Ата-ананың алғысынан асқан марапат жоқ», – деп жазды ол.
Сонымен қатар заңгер Талдықорғаннан және өзге өңірлерден келген ата-аналардың ризашылығын ерекше құрмет деп бағалап, әр ана тек қуаныштан көз жасын төксін деген тілегін білдірді.
