Бүгін, 10:41
Қарағанды облысының дене шынықтыру және спорт басқармасының басшысы қызметіне Нүркен Нұратов тағайындалды. Оның кандидатурасы Туризм және спорт министрлігі жанындағы арнайы комиссияның оң қорытындысынан кейін ресми түрде бекітілді, деп хабарлайды kznews.kz.
Айта кетейік, бұған дейін бұл лауазымды олимпиада чемпионы Серік Сәпиев атқарған еді. Жаңа басшыны тағайындау шешімі оның кәсіби тәжірибесі мен басқарушылық қабілетін ескере отырып қабылданған.
Нүркен Нұратов спорт саласында тәжірибесі мол маман ретінде белгілі. Ол осыған дейін Алматы облысының Олимпиадалық резерв даярлау орталығын басқарып, өзін білікті ұйымдастырушы ретінде көрсете білді.
Енді оған өңірде бұқаралық спортты дамыту, спорт инфрақұрылымының сапасын арттыру және саланы жүйелі түрде ілгерілету міндеттері жүктеліп отыр.
