9 сәуір, 2020
Таңертеңгі жағдай бойынша елде коронавирусты жұқтырудың 32 жаңа жағдайы анықталды, оның төртеуі Шымкент қаласында тіркелді, деп хабарлайды Stan.kz ақпарат агенттігі.
Бәрі коронавирус жұқтырған адаммен қарым-қатынаста болуына байланысты карантиндік стационарға жатқызылған және зертханалық сынама алынған. Нәтижесінде COVID-19 диагнозы нақтыланды.
Қазіргі таңда науқастардың жағдайлары бірқалыпты. Бекітілген хаттамаға сәйкес тиісті ем жүргізіліп жатыр.
Науқастармен қарым-қатынаста болған адамдар анықталып, барлығы медициналық бақылауға алынып жатыр.
Ауру ошақтарында эпидзерттеу, дезинфекциялық жұмыстар жүргізіледі.
Осы уақытқа дейін Шымкентте коронавирус жұқтырған 27 адам анықталды.
stan.kz
