14 қазан, 2025
Прокурордың айтуынша, ол биыл шілдеде Шымкентке құрылыс жұмысына келген. 21 шілде күні жалдамалы пәтерде жалғыз қалып, Telegram арқылы «Шымкент жұмыс» тобына «Үй жинайтын қыз керек» деген хабарлама жариялаған.
Жарнамаға жауап берген 26 жастағы Диана Оңғарбаева үйді тазартып, 15 мың теңге еңбекақысын сұраған. Алайда оқушы ақшаны анасы береді деп алдаған. Кейін асүй пышағын алып, әйелдің мойын тұсынан бірнеше рет сұғып өлтірген. Сараптама оның денесіне 10-нан астам жарақат түскенін анықтады.
Оңғарбаева оқиға орнында қаза тапқан. Денесі 10 күннен кейін қоқыс маңынан табылды. Прокурордың айтуынша, күдікті әйелдің телефонын сатып жіберген.
Марқұмның анасы Қарлығаш Оңғарбаева полицияны салғырттық танытты деп айыптап, қызын өмірбақи түрмеге қамауды талап етті. Ал айыпталушы адам өлтіргенін мойындағанымен, мәйітті қорлады деген айыппен келіспей отыр.
