31 наурыз, 2020
Шымкентте антисептиктерді 7500 теңгеден және медициналық маскаларды заңсыз сатуға тырысты, деп хабарлайды Stan.kz ақпарат агенттігі қаржы мониторингі комитетінің баспасөз қызметіне сілтеме жасап.
Аумақтық бөлім қалалық прокуратурамен бірлесіп, жалпы сомасы 800 000 теңге тұратын 5500 дана бетперде және жалпы сомасы 3 750 000 теңге болатын 500 антисептикті заңсыз сатуға әрекет жасаудың алдын алды.
Қазіргі уақытта аталған фактілер бойынша материалдар алыпсатарларды әкімшілік жауапкершілікке тарту үшін Шымкент қаласындағы департаментке жіберілді.
"Қазақстан Республикасы президентінің жанындағы төтенше жағдайды қамтамасыз ету жөніндегі мемлекеттік комиссия хаттамасының 8-тармағына сәйкес, тәркіленген медициналық құрылғылар Шымкент қаласы әкімдігінің денсаулық сақтау басқармасына беріледі", - делінген хабарламада.
stan.kz
