22 қаңтар, 2020
https://sputniknews.kz/images/1125/74/11257455.jpg
Sputnik Қазақстан
https://sputniknews.kz/regions/20200122/12603735/inspektsiya-kyzmetker-video.html
Бұқтырма бөлімінің басшысы мен оның қарамағындағы бірнеше қызметкер браконьерлерге қамқорлық көрсетіп, жүйелі түрде пара алып келген
НҰР-СҰЛТАН, 22 қаңтар. Шығыс Қазақстанда орман шаруашылығы және жануарлар дүниесі инспекциясының Бұқтырма бөлімінің басшысы мен бірқатар қызметкері пара алды деген күдікке ілінді, деп хабарлады сыбайлас жемқорлыққа қарсы іс-қимыл агенттігінің баспасөз қызметі.
Шығыс Қазақстан облысының сыбайлас жемқорлыққа қарсы қызметі орман шаруашылығы және жануарлар дүниесі комитетінің Шығыс Қазақстан облыстық инспекциясының Бұқтырма бөліміндегі жүйелі сыбайлас жемқорлық фактілерінің жолын кесті.
Бұқтырма бөлімінің басшысы мен оның қарамағындағы бірнеше қызметкер браконьерлерден жүйелі түрде 50 мыңнан 200 мың теңгеге дейінгі көлемде пара алып келген.
"Олар ақшаны жалпы қамқорлық пен тыйым салынған әдістермен, сондай-ақ уылдырық шашу кезінде Бұқтырма су қоймасының тыйым салынған учаскелерінде балықты заңсыз аулауға тыйым салу шараларын қабылдамағаны үшін алған", - деп хабарлады агенттік.
Күдіктілерге қатысты сотқа дейнгі тергеу басталды. Олардың кінәсінің деңгейі туралы түпкілікті шешімді сот шығарады.
sputniknews.kz
