1 қараша, 2025
Сабақ кезінде 5-сынып оқушысы Арнұр Көшербай стадион қоршауына шығып, секіріп түспек болғанда ағашқа құлап, жарақат алған.
Мектептің оқу ісі жөніндегі орынбасары Нұргүл Қалдарбекованың айтуынша, оқушыда ауыр жарақат белгілері байқалмағанымен, оны бірден ауруханаға жеткізген.
Дәрігерлер баланың қуық тұсының зақымданғанын анықтап, ота жасаған, алайда операциядан кейін Арнұрдың жүрегі тоқтап қалған.
Полиция департаменті өкілдерінің айтуынша, қазіргі таңда оқиға бойынша сотқа дейінгі тергеу жүргізілуде.
«Барлық мән-жай анықталып жатыр. Тергеу нәтижелері бойынша заңға сәйкес процессуалдық шешім қабылданады», — деп мәлімдеді ведомствоның баспасөз қызметі.
