Бүгін, 10:48
Семей қаласының Қарағайлы ықшам ауданындағы көпқабатты тұрғын үйлердің бірінде бір жасар бала терезеден құлап, оқиға орнында көз жұмды, деп хабарлайды kznews.kz.
Абай облысы бойынша бұл биыл тіркелген алғашқы қайғылы жағдай емес. Өңірлік Төтенше жағдайлар департаментінің мәліметінше, жыл басынан бері балалардың терезеден құлауына байланысты 10 оқиға тіркелген. Өкінішке қарай, олардың бірі адам өлімімен аяқталды.
Осыған байланысты құтқарушылар ата-аналар мен заңды өкілдерді қауіпсіздік талаптарын қатаң сақтауға шақырды. Мамандардың айтуынша, балаларды үйде қараусыз қалдырмау, терезе маңына жиһаз қоймау және маса торына сенбеу аса маңызды.
