Бүгін, 09:35
Семей қаласында балалардың абайсыз әрекетінен аулада тұрған жеңіл көлік өртеніп кетті, деп хабарлайды kznews.kz.
Куәгерлердің айтуынша, оқиға тұрғын үйдің дәл жанында болған. Өрт шыққан көлікке жақын орналасқан ағаштар да жалынға оранып, көпқабатты үй тұрғындарын алаңдатқан.
Полицияның алдын ала мәліметіне сәйкес, өрт басталар алдында көлік маңында үш бала жүрген. Болжам бойынша, олардың бірі сіріңкемен көліктің жанындағы құрғақ шөпті тұтатып алған. Жалын тез тарағаннан кейін балалар оқиға орнынан қашып кеткен.
Қазір оқиғаның мән-жайы анықталып жатыр. Белгілі болғандай, өртке себеп болуы мүмкін алты жасар баланың ата-анасы заң талаптарына сәйкес көлік иесіне келтірілген материалдық шығынды өтеуге міндетті болады.
