Қазақстанның Халық әртісі Роза Рымбаева сахнамен қоштасуы мүмкін екенін мәлімдеп, көпшіліктің назарын аудартты, деп хабарлайды kznews.kz.
Өнер майталманы бұл ойын "Abai TV" арнасындағы "Сарасөз" бағдарламасына берген сұхбатында ашық айтты. Оның сөзінше, қазіргі уақытта ол өзінің үлкен шығармашылық жолын қорытындылайтын 50 жылдық есеп беру концертіне дайындалып жатыр.
«50 жылдық мерейтойлық концертіме қызу дайындық үстіндемін. Сол үлкен кештен кейін, мүмкін, сахнамен ресми түрде қоштасармын деген ой бар. Дегенмен, бұл мүлдем өнерден кетемін деген сөз емес. Маған ұсыныс түсіп жатса, ірі концерттерге, арнайы жобаларға шығуға әрқашан дайынмын», – деді Роза Рымбаева.
Халық сүйікті әншісінің бұл пікірі әлеуметтік желіде қызу талқыланып, тыңдармандары оның сахнадан кетуін қаламайтынын жарыса жазуда.
