Бүгін, 16:13
Әлеуметтік желіде қоғам қайраткерлеріне көңіл айту мәселесіне байланысты пікірталас өрбіді. Бұл туралы қоғам белсендісі Нұрсұлу Мырзахмет жазба жариялады, деп хабарлайды kznews.kz.
Белсендінің айтуынша, қоғамда әр тұлғаға көрсетілетін құрмет деңгейі әрқалай қабылданып отыр.
– Өле-өлгенше елдің қамы үшін күрескен марқұм Жасарал Қуанышалин қайтыс болғанда көңіл айта алмаған Президент пен шенеуніктер неғып жаппай Шахановқа көңіл айтып жарысып кетті? Жасаралдың қазасына өзі сияқты адал халқы ғана қан жұтып қайғырды! – деп жазды ол.
Сондай-ақ жазба авторы Мұхтар Шахановтың қоғамдық қызметіне қатысты сыни пікір білдірді.
– Шаханов халық үшін не істепті? Жемқор жерлестеріне керек болмаған ақылы бізге керек пе?! Өтірік шындықтың жаршысы болмай-ақ қойсын! – деді Нұрсұлу Мырзахмет.
