Бүгін, 09:47
Әнші Сәкен Майғазиевтің тележүргізуші Мөлдір Мұқанның отбасылық мерекесінде айтқан тілегі әлеуметтік желіде екіұдай пікір туғызды, деп хабарлайды kznews.kz.
Жуырда Мөлдір Мұқан отбасының үш бірдей қуанышын қатар атап өткен болатын. Салтанатты кеште сөз алған Сәкен Майғазиев балаларға ақ тілегін арнап:
«Тұрсынбек пен Мөлдірдің кішкентай құлыншақтары сенімдерін ақтай берсін», – деді.
Алайда осы сөзден кейін әлеуметтік желі қолданушыларының бір бөлігі әншіні сынға алды. Олар Тұрсынбек Қабатов пен Мөлдір Мұқанның ажырасқанын еске салып, мұндай жағдайда бұрынғы жұбайының есімін атаудың орынсыз болғанын жазды.
Пікір білдірушілердің бірі:
«Сәкен мырза, Тұрсынбекті екінші отбасына барған кезде құттықтайсыз. Бұл – Мөлдірдің шаңырағы», – деп жазса,
тағы бір желі қолданушысы:
«Тұрсынбектің өзі де жоқ қой. Ондай адамды айтып қыстырудың не қажеті бар?» – деген пікір қалдырған.
Сонымен қатар, көптеген оқырман әншіні жақтап шықты. Олардың пікірінше, Сәкен Майғазиев ешқандай астарлы ой айтпаған, тек балаларға ақжарма тілегін білдірген. Осылайша, қарапайым құттықтау әлеуметтік желіде түрлі көзқарас тудырып, қызу талқыға айналды.
