Бүгін, 11:39
Әлеуметтік желіде "әнші Сәкен Майғазиевтің үйіне ұрылар түсті" деген атаумен тараған видео көпшіліктің қызу талқысына түсті, деп хабарлайды kznews.kz.
Аталған жазбаны Dinara tea парақшасы жариялаған. Кейін белгілі болғандай, бұл ролик шын оқиға емес, жарнама мақсатында түсірілген.
Мәліметке сәйкес, әншінің жары Динара Майғазиева өз өнімін жарнамалау үшін осындай креативті тәсілді таңдаған.
Алайда желі қолданушылары бұл әрекетті біржақты қабылдамады. Көпшілік мұндай жарнаманы орынсыз әрі үрей туғызатын тәсіл деп бағалаған.
Пікір қалдырғандар арасында "Құдай сақтасын", "Осы да жарнама ма?", "Шошып кеттім", "Жамандық шақырмаңдар", "Жақсы сөз – жарым ырыс" деген сыни пікірлер жиі жазылған.
